Google ADS

Mbi 1 mijë ankesa në PZAP

08:42 | 15 Nëntor 2017
M. A.

Paneli Zgjedhor për Ankesa dhe Parashtresa ka pranuar 1071 ankesa dhe apele nga gjithë procesi i zgjedhjeve lokale të mbajtura me 22 tetor, shkruan arbresh.info.

Këtë e ka bërë të ditur Mulë Desku, kryesues i sekretariatit te PZAP-it.

 “Ju informojmë se deri me tani ne PZAP për gjithë procesin e zgjedhjeve lokale te mbajtura me 22 tetor 2017 janë paraqitur 1071 ankesa dhe apele”, ka thënë Desku për arbresh.info.

Në mbledhjen që ka mbajtur dje Komisioni Qendror i Zgjedhjeve mori vendim për rinumërimin e plotë të 440 Vendvotimeve nga komuna të ndryshme të Kosovës.

Rinumërimi ka të bëjë me Zgjedhjet për Kuvende Komunale dhe vjen pas vendimeve të Panelit Zgjedhor për Ankesa dhe Parashtresa për rinumërim të këtyre Vendvotimeve.

Kujtojmë që të dielën me 19 nëntor mbahet raundi i dytë i zgjedhjeve në 19 komuna të cilat kanë shkuar në balotazh./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm